Захиалагч, нийлүүлэгч байгууллагад мэдээлэл хүргүүлэх тухай
Төрийн худалдан авах ажиллагааны газрын tender.gov.mn цахим системд техникийн саатал гарсны улмаас системийн хэвийн үйл ажиллагаа түр хугацаанд алдагдсан болно.
Үүнтэй холбогдуулан Сангийн сайдын 2023 оны А/248 дугаар тушаалаар батлагдсан “Цахим системээр худалдан авах ажиллагаа зохион байгуулах, түүний тасралтгүй, аюулгүй ажиллагааг хангах журам”-ын 7.3-т “Энэ журмын 7.2-т зааснаар цахим систем ажиллах боломжгүй болсон тохиолдолд мэргэжлийн байгууллага энэ тухай захиалагчид нэн даруй мэдэгдэж, тендерийн нээлтийг тодорхой хугацаагаар хойшлуулж, энэ тухай цахим системээр дамжуулан, боломжгүй бол харилцаа холбооны бусад хэрэгслээр нэгэн зэрэг мэдэгдэнэ.” гэж заасны дагуу:
2026 оны 03 дугаар сарын 09-ний өдөр хүлээн авах болон нээхээр товлогдсон тендер шалгаруулалтын хугацааг 4–5 цагаар сунгасан.
Иймд 2026 оны 03 дугаар сарын 09-ний өдрийн 09:00–12:59 цагийн хооронд товлогдсон тендер шалгаруулалтын хугацааг 4–5 цагаар хойшлуулсан болно.
Үүнтэй холбоотойгоор дараах хугацаануудыг сунгасан болно. Үүнд:
- Тендер хүлээн авах эцсийн хугацаа
- Үнийн санал дуудах хугацаа
- Цахим дэлгүүрийн үнийн санал хүлээн авах эцсийн хугацаа
Иймд тендерт оролцогчид тендер шалгаруулалтын өөрчлөгдсөн хугацааг цахим системээс нягтлан шалгаж, тендер шалгаруулалтад оролцоно уу.
ТӨРИЙН ХУДАЛДАН АВАХ АЖИЛЛАГААНЫ ГАЗАР
2026-03-09
