СҮҮЛИЙН МЭДЭЭЛЭЛ
ТӨСЛИЙН ЗОХИЦУУЛАГЧИЙН СОНГОН ШАЛГАРУУЛАЛТЫН ЗАР
Ерөнхий зорилго
“Улаанбаатар хотын төв цэвэрлэх байгууламжийг шинээр барих төсөл”-ийн үр дүнтэй хэрэгжүүлж дуусгах, төсөл хэрэгжүүлэх нэгжийн үйл ажиллагааг хариуцан удирдлага, зохицуулалтаар хангаж ажиллана.
Ажлын хамрах хүрээ
1. “Улаанбаатар хотын төв цэвэрлэх байгууламжийг шинээр барих төсөл”-ийн хэрэгжилтийг нэгдсэн төлөвлөлт, зохион байгуулалтаар хангах, төслийн нэгжийн үйл ажиллагааг мэргэжил, арга зүйгээр удирдан зохицуулах;
2. Төслийн барилга байгууламжийн угсралт, туршилт, тохируулга, зүгшрүүлэлтийн ажлыг хууль тогтоомж, норм, нормативын баримт бичиг, зураг төслийн дагуу гүйцэтгүүлэх, хянах, иж бүрэн ашиглалтад оруулах ажлыг хариуцан зохион байгуулах, холбогдох байгууллагуудтай хамтран ажиллах;
3. Төсөл хэрэгжүүлэгч (ХББОСЯ)-ыг шаардлагатай мэдээ, мэдээллээр тогтмол хангах, өгөгдсөн үүрэг, даалгаврыг хэрэгжүүлэх, биелэлтийг тайлагнах;
4. Төслийн ажилтнуудын гэрээний биелэлтэд хяналт тавьж, хэрэгжилтийг хугацаанд нь бүрэн хангуулах.
Ажлын байранд тавигдах шаардлага
Боловсрол: Магистр ба түүнээс дээш боловсролын зэрэгтэй.
Мэргэжил: Барилгын инженер /0732/, Иргэний ба үйлдвэрийн барилгын инженер /07320/,
Туршлага: Мэргэжлээрээ 12-оос доошгүй жил ажилласан байх, Гадаадын болон олон улсын зээл, буцалтгүй тусламжийн төсөлд оролцон ажиллаж байсан бол давуу тал болно.
Ур чадвар: -Төслийн үйл ажиллагааг удирдан зохион байгуулах ажлын туршлагатай байх;
-
Баримт бичиг боловсруулах, асуудал шийдвэрлэх, техник, технологийн шийдлийг тодорхойлох;
-
Өөрийн мэдлэг чадвар, өөрт байгаа мэдээллийг баг хамт олонтой хуваалцаж хамтран ажиллах;
-
Бусадтай харилцан итгэл төрүүлэхүйц ажил хэрэгч, нээлттэй харилцааг бий болгох;
-
Багаар ажиллах чадвартай байх.
-
Англи хэлний ярих болон бичих зохих түвшний чадвартай байх;
-
Мэдээллийн технологийн хэрэглээний программ хангамж, тоног төхөөрөмжийг ажиллуулах, ашиглах мэдлэг, чадвартай байх;
-
Цэвэрлэх байгууламж, инженерийн шугам сүлжээний чиглэлээр зураг төсөл боловсруулах болон барилга угсралтын ажлын туршлагатай байх.
Оролцогчдод шаардагдах баримт бичиг:
Мэдүүлэг гаргагч нь шаардлага хангаж буйг нотлох дараах баримтыг дарааллын дагуу бүрдүүлж ирүүлнэ.
Үүнд:
-
Анкет /Төрийн албаны зөвлөлийн 2022 оны 600 дугаар тогтоолын 2 дугаар хавсралт /-ийн дагуу бүрэн бөглөсөн байх;
-
Товч намтар;
-
Иргэний үнэмлэхийн хуулбар;
-
Боловсролын диплом, гэрчилгээ;
-
Мэргэшлийн үнэмлэх;
-
Ажилласан хугацаа болон ажил эрхлэлтийг гэрчлэх баримт /Нийгмийн даатгал, хөдөлмөрийн дэвтэр/-ийн хуулбар;
-
Өмнөх буюу одоогийн ажлын газрын тодорхойлолт/байж болно/, мэргэжлийн ур чадвар, туршлагыг нотлох мэдээлэл, баримт.
Санамж: Хэрэв дээрх барим бичгийн аль нэг нь байхгүй тохиолдолд сонгон шалгаруулалтын материалын бүрдэл дутуу гэж үзэн тэнцээгүйд тооцно.
Дээрх шаардлагыг хангасан сонирхогч этгээд шаардлагатай баримт бичгийг дараах хаягт дугтуйлж ирүүлнэ үү.
Улаанбаатар, Чингэлтэй дүүрэг 4-р хороо Барилгачдын талбай 3, Засгийн газрын 12 байр.
Баримт бичиг ирүүлэх хугацаа: 2025 оны 01 дүгээр сарын 06-ны өдрийн 10:00 цагаас өмнө ирүүлнэ.
Тодруулга авах утас: 51-261718
ХОТ БАЙГУУЛАЛТ, БАРИЛГА, ОРОН СУУЦЖУУЛАЛТЫН ЯАМ
