Тодруулгын хариу хүргүүлэх тухай

Эрчим хүчний яамнаас зарласан ЭХЯ/20250103014 дугаартай ЮНЕСКО-ийн Дэлхийн өвийн хорооны аргачлалын дагуу боловсруулах “Эгийн голын усан цахилгаан станц” төслийн Байгаль орчин, нийгмийн нөлөөллийн үнэлгээ хийх үйлчилгээний гүйцэтгэгчийг сонгон шалгаруулах тендерт оролцохыг сонирхогч этгээдээс тодруулга авах хүсэлт ирүүлсэн тул хариуг дараах байдлаар хүргүүлж байна.

Тендерийн өгөгдлийн хүснэгт болон ажлын даалгаврын шаардлагатай хүний нөөц дээр зөрүү байгааг хэрхэн шийдвэрлэх вэ?

Тендерийн өгөгдлийн хүснэгтэд 21 мэргэжилтэн, ажлын даалгаварт нэмэлтээр экологич, хөвмөл амьтан судлаач, усны ёроолын шавьж, хөрсний шавьж судлаач, ой судлал, шавьж судлалын мэргэжилтэн болон зөвлөх компанийн шаардлагын 6 дугаар зүйлд нийгэм, хүний эрүүл мэнд, эрүүл ахуйн баг шаардлагатай байна.

Тус шаардлагын зөрүүтэй байдлыг хэрхэн шийдэж, материалаа бэлдэх вэ?

Тендерийн баримт бичгийн өгөгдлийн хүснэгтийн ТШЗ 19.1-т заасны дагуу “үйлчилгээ үзүүлэх хүний нөөц”-ийг оролцогч санал болгож өөрийн тендерт ирүүлнэ. Ажлын даалгаварт шаардсан хүний нөөцийг үнэлгээнд харгалзан үзэхгүй.

Оролцохыг сонирхогч этгээдээс ирүүлсэн тодруулгатай холбогдуулан тендерийн баримт бичигт дараах өөрчлөлтийг оруулж байна. Үүнд:

ТШЗ 26.1. Тендер хүлээн авах эцсийн хугацаа нь: “Огноо: 2025 оны 06 дугаар сарын 26-ны өдөр” гэснийг “Огноо: 2025 оны 07 дугаар сарын 03-ны өдөр” гэж,

ТШЗ 26.2 Тендерийн нээлтийг доор дурдсан хугацаанд цахим системээр хийх бөгөөд нээлтийн мэдээллийг оролцогч цахим системээр хүлээн авна. “Огноо: 2025 оны 06 дугаар сарын 26-ны өдөр”  гэснийг “Огноо: 2025 оны 07 дугаар сарын 03-ны өдөр” гэж тус тус өөрчлөв.

Тодруулгын хариу албан бичгийг хавсралт файлаас харна уу.