“Үнэт цаас буюу Олон улсын стандартад нийцсэн дахин давтагдашгүй, цахим өгөгдөл бүхий кодтой, технологийн нууцлал бүхий согтууруулах ундаа, тамхины онцгой албан татварын тэмдэг хэвлэх, нийлүүлэх”  хязгаарлагдмал /Тендер шалгаруулалтын дугаар: ТЕГ/202301024/  тендерийг  Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 32 дугаар зүйлийн 32.1.1-д “ мэргэжлийн өндөр ур чадвар, туршлага, техник, технологи шаардсан нарийн төвөгтэй бараа, ажил, үйлчилгээ гүйцэтгэх чадвартай этгээдийн тоо хязгаарлагдмал”, 32.5-д “Тендерийг хүлээж авах эцсийн хугацааг тендерийн урилга тараасан өдрөөс хойш 15 буюу түүнээс дээш хоногоор тогтооно” гэж заасны дагуу 2023 оны 04 дүгээр сарын 21-ний өдөр хязгаарлагдмал тендер зарлаж 5 дугаар сарын 8-ний өдөр нээлт хийсэн.

Хуулийн 26 дугаар зүйлийн 26.1-д заасны дагуу 1 оролцогч тендерийн материал ирүүлсэн боловч, тус сонирхогч өөрийн ирүүлсэн тендерийг нээхээс татгалзсан хүсэлт гаргаснаар тендер амжилтгүй боллоо.

Иймд гарсан нөхцөл байдлыг дахин судалж, холбогдох байгууллагаас заавар, зөвлөмж авсны үндсэн дээр тендерийг дахин  зарлахаар шийдвэрлэлээ. 

Монголын үнэт цаас хэвлэл ХХК-с 2023 оны 05 дугаар сарын 02-ны өдрийн 1-1/114 дугаар албан бичгээр тодруулга авахаар хүсэлт ирүүлсэний дагуу Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 24 дүгээр зүйлийн 24.2-д заасны дагуу хүсэлтийн хуулбарыг хариу тодруулгын хамт тендерийн баримт бичиг худалдан авсан Адмон принт ХХК, Монголын үнэт цаас хэвлэл ХХК, Улаанбаатар принт ХХК, Үндэсний үнэт цаас ХХК-д 2022 оны 05 дугаар сарын 02-ны өдрийн 02/976 тоот албан бичгээр хүргүүлсэн. Тухайн тендерийн техникийн тодорхойлолт нь нууцлалтай учир тодруулгыг нийтэд мэдээлэх боломжгүй байна.

Шудрага өрсөлдөөн, хэрэглэгчийн төлөө газрын 2023 оны 02 дугаар сарын 10-ны өдрийн 01/223, Сангийн яамны 2023 оны 03 дугаар сарын 27-ны өдрийн 03/1721, Захиргааны хэргийн давж заалдах шатны шүүхийн тамгын газрын 2023 оны 04 дүгээр сарын 13-ны 113 дугаартай албан бичгийн дагуу Татварын ерөнхий газраас зарласан  ТЕГ/202301024 дугаар бүхий тендерийг 2023 оны 04 дүгээр сарын 21-ний өдрөөс эхлэн 17 хоногоор зарлахаар шийдвэрлэж байна.

Шударга өрсөлдөөн, хэрэглэгчийн төлөө газраас 2023 оны 01 дүгээр сарын 27-ны өдрийн 01/138 тоот албан бичгээр тус тендерийг түр түдгэлзүүлсэн.

Иймд Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 55.4-т заасны дагуу Татварын ерөнхий газрын ТЕГ/202301024 дугаар бүхий тендерт холбогдох гомдлыг хянан шийдвэрлэх хүртэлх хугацаагаар тендер хүлээн авах, нээх өдрийг хойшлуулж байна.

Тодруулга 1: “Олон улсын стандартад нийцсэн дахин давтагдашгүй, цахим өгөгдөл бүхий кодтой, технологийн нууцлал бүхий согтууруулах ундаа, тамхины онцгой албан татварын тэмдэг” хэвлэн нийлүүлэх гүйцэтгэгчийг сонгон шалгаруулах хязгаарлагдмал тендер Багц-1 согтууруулах ундаа, Багц-2 тамхины онцгой албан татварын тэмдэг хэвлэн нийлүүлэх гэсэн 2 багцаас бүрдэж байгаа бөгөөд тендерийн эх болон хуулбар хувиудыг тус тусад нь “ЭХ ХУВЬ”, “ХУУЛБАР ХУВЬ” гэсэн бичиглэл бүхий дугтуйнд хийж битүүмжлэн ирүүлэх бөгөөд 2 багцад хамтад нь оролцож байгаа бол тэдгээрийг дахин давхар нэг дугтуйнд (гаднах) хийж битүүмжлэн, тендерийн өгөгдлийн хүснэгтэд заасныг баримтлан  ирүүлнэ.

Тендерт санал болгож буй  нууцлал бүхий онцгой албан татварын тэмдгийн загвар  тус бүрээс 50 ширхгийг хэвлэн, шалгах багажийн хамт ирүүлэхээр тендерийн өгөгдлийн хүснэгтэд заасан мөн уг тендерийн техникийн тодорхойлолт нь нууцлалтай учир тендерийг зөвхөн цаасаар бэлтгэн ирүүлнэ.

Тодруулга 2: Тендерийн баримт бичигт согтууруулах ундааны онцгой албан татварын тэмдэг хэвлэн нийлүүлэх багцын “эх орны үйлдвэрийн”, “импортын”, “чөлөөт бүсийн”, “татваргүй барааны дэлгүүрийн” согтууруулах ундааны онцгой албан татварын тэмдгийн загвар ялгаатай байхаар тусгасан.

1. Эх орны үйлдвэрийн, импортын, чөлөөт бүсийн согтууруулах ундааны онцгой албан татварын тэмдэг нь 48х16 мм хэмжээтэй, тэгш өнцөгт хэлбэртэй, техникийн тодорхойлолтод заасан тусгайлсан нууцлал, серийн дугаар, бичвэр, таних тэмдэгтэй, 0.5мм өргөн холограммтай байна.
2. Татваргүй барааны дэлгүүрийн согтууруулах ундааны онцгой албан татварын тэмдэг нь  40х30 мм хэмжээтэй, дугуй зууван хэлбэртэй эсвэл 30х30 мм хэмжээтэй дугуй хэлбэртэй техникийн тодорхойлолтод заасан тусгайлсан нууцлал, серийн дугаар, бичвэр, таних тэмдэгтэй, холограммгүй байна.

Нууцлалын гэрээ байгуулж, тендерийн баримт бичиг авсан тендерт оролцох эрх бүхий этгээдэд ТЕХНИКИЙН ТОДОРХОЙЛОЛТ-ыг олгоно.

Тендерийн урилгын дэлгэрэнгүй мэдээлэл хэсэгт дурдагдсан НИЙТ ТӨСӨВТ ӨРТӨГ: 2,783,234,800.00 төгрөг гэдгийг Захиалагчийн тооцсон нийт төсөвт өртөг гэж үзэхгүй ба төсөвт өртөгтэй холбоотой мэдээллийг тендерийн баримт бичигт тусгасан болно.