1.Цахим системийн баруун дээд хэсэгт байрлах “Бүртгүүлэх” → “Нийлүүлэгч” болон “Захиалагч”-ийн аль тохирохыг сонгож, холбогдох талбарт шаардсан мэдээллийг үнэн зөв оруулна. 2. * -оор тэмдэглэсэн хэсгийг заавал бөглөхөөс гадна “Өргөдөл” хэсэгт дараах мэдээллийн хамт цахим системээр *.pdf өргөтгөлтэй илгээнэ. Үүнд: Аж ахуй эрхлэгч бол: • Цахим системд бүртгүүлж, нэвтрэх нэр авах хүсэлт; • Байгууллагын улсын бүртгэлийн гэрчилгээ /иргэн бол иргэний үнэмлэх/-ний хуулбар; • Зөвшөөрөл, эсхүл гэрчилгээний мэдээлэл; • Аж ахуй эрхлэгчийг төлөөлөх эрх бүхий этгээдийн мэдээлэл, хариуцан ажиллах ажилтны эцэг/эхийн нэр, өөрийн нэр, албан тушаал, холбогдох утасны дугаар, цахим шуудангийн хаяг; • Цахим системийн холбогдох талбарт шаардсан бусад мэдээлэл. Захиалагч бол: • Байгууллагын улсын бүртгэлийн гэрчилгээний хуулбар; • Хариуцан ажиллах ажилтан/албан тушаалтны эцэг/эхийн нэр, өөрийн нэр, албан тушаал, холбогдох утасны дугаар, цахим шуудангийн хаяг; 3. Хүсэлтийг баталгаажуулж хариуг цахим шуудангаар хүргүүлнэ. 4. Бүртгүүлэгч цахим шуудангаар ирсэн зааврын дагуу холбоосыг дарснаар системд нэвтрэх баталгаажилт хийгдэнэ. 5. Цахим системд нэвтрэхдээ Хариуцсан ажилтны хэсэгт бөглөсөн Хэрэглэгчийн нэр, нууц үгийг ашиглана.

Системд бүртгүүлсэн бүртгэлийн дугаар, төлөөлөх эрх бүхий этгээдийн мэдээлэл, хариуцан ажиллах ажилтны мэдээлэл, цахим шуудангийн хаяг өөрчлөх тохиолдолд it@procurement.gov.mn цахим шуудангаар хүсэлт илгээнэ үү.

Захиалагчийн админ эрхээр ороод баруун дээд буланд байгаа тохиргоо цэсний хэрэгчийн мэдээлэл хэсгээр орж үүсгэж авна.

Тоон гарын үсгийн гэрчилгээ олгох үйл ажиллагаа эрхлэх тусгай зөвшөөрөл эзэмшигч дараах хуулийн этгээд олгоно. Үүнд: • “Тридум кэй” ХХК, www.tridumkey.mn; • “Монпасс” ХХК, www.monpass.mn; • “Нью компасс” ХХК, www.newcompass.mn-ууд бөгөөд , дээрх цахим хуудсаар дамжуулан дэлгэрэнгүй мэдээллийг авна уу.

Тийм. Таны илгээсэн тендер тухайн цахим гарын үсгээр нууцлагдаж, сервер дээр хадгалагдах бөгөөд тус тендер шалгаруулалтын тендер хүлээн авах эцсийн хугацаа дуусахад /public key/ нийтийн түлхүүрээр тендер нээх хүртэл нууцлагдана.

1. Та системд нэвтрээд боломжит тендер шалгаруулалтын жагсаалтаас тодруулга гаргах боломжтой. 2. Захиалагч байгууллагын үнэлгээний хороонд албан бичгээр хандах боломжтой.

Оролцогч тендерийн баталгааг банкны, Монгол Улсын Засгийн газрын үнэт цаасны, Монгол Улсын даатгагчаас гаргасан баталгааны аль боломжтойгоор гаргана. Баталгаа гаргахдаа: • Цахим системд бүртгүүлсэн байх; • Тендерт оролцох хураамжийг арилжааны банкны цахим төлбөрийн систем ашиглаж төлсөн байх; • Тендер шалгаруулалтыг багцад хуваасан бол тендерийн баталгааг багц тус бүрд гаргасан байх; • Тендер хүлээн авах эцсийн хугацаа дуусахаас өмнө тендерийн баталгаа зөв эсэхийг цахим системийн баталгаа хэсгээс хянах боломжтой.

Хэрэглэгчийн хөтөч хэсэгт гарын авлага, заавар байршуулсан болно.

• Төрийн худалдан авах ажиллагааны газрын лавлах утас 79790000 дугаарт хандаж мэдээлэл авах боломжтой. • Цахим системийн хэвийн үйл ажиллагаатай холбоотой асуудлыг it@procuremnet.gov.mn цахим шуудангаар мэдэгдвэл Цахим худалдан авах ажиллагаа, мэдээллийн технологийн газраас ажлын нэг хоногт багтаан хариу хүргүүлнэ. • Хэрэглэгчийн онлайн туслах телеграм чатбот-оос асуух асуултаа товчхон, оновчтой бичсэнээр хариулт хүлээн авах боломжтой.

Хялбаршуулсан цахим тендер шалгаруулалтын нээлтэд заавал биеэр оролцох шаардлагагүй бөгөөд нээлт хийгдсэн даруйд Тендер шалгаруулалт цэсийн Тендер шалгаруулалтын үр дүн цэсэд нийтлэгдэнэ. Хэрвээ нээлтийн үр дүнгийн мэдээлэл нийтлэгдэхгүй бол холбогдох байгууллагад мэдэгдэнэ үү.

Тендер шалгаруулалтын үр дүнгийн мэдээллийг Захиалагч байгууллага гэрээ байгуулсны дараа системд оруулах бөгөөд хэрэв оруулсан бол Тендер шалгаруулалт цэсийн Тендер шалгаруулалтын үр дүн дэд цэс https://user.tender.gov.mn/mn/result/ урилга бүрээр шалгарсан эсэх, шалгараагүй шалтгааны хамт нийтлэгдэнэ.Хэрвээ нээлтийн үр дүнгийн мэдээлэл нийтлэгдэхгүй бол холбогдох байгууллагад мэдэгдэнэ үү.

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах хуулийн 22.10-д "Оролцогч цахим системээр тендер илгээхэд үйлчилгээний хураамж төлнө. Энэ төлбөрийг бүх арилжааны банкны цахим төлбөр тооцооны систем ашиглан и-пин кодтой хувь хүний картаар төлбөр төлж тендерт материал явуулах эрх үүсдэг болно. " гэж заасны дагуу хураамжийг цахим системээр дамжуулан төлснөөр тендер илгээх эрхтэй болно. ТШЗ-ны 6.4-т заасан үйлчилгээний хураамжийг аливаа үндэслэлээр буцаан олгохгүй.

Хялбаршуулсан цахим тендерт тендерийн баталгаа гаргасан ба тендерийн баталгаа цуцлах эрх үүссэн үед буюу "Тендер шалгаруулалт" амжилтгүй болсон эсвэл Гэрээ байгуулагдсан бол өөрийн эрхээр нэвтрэн орж, ОРОЛЦСОН ТШ-ЫН ЖАГСААЛТ цэсээр орон баталгаа цуцлах хүсэлтийг гаргана. Үүний дараа захиалагч байгууллагад мэдэгдэх бөгөөд захиалагч байгууллага тухайн хүсэлтийг зөвшөөрснөөр банк "Тендерийн баталгаа"-г цуцлах боломжтой болно.

Нийлүүлэгч сонирхож буй ТШ-т тодруулга гаргах боломжтой. Тендер шалгаруулалт цэсийн Боломжит ТШ-ын жагсаалт дэд цэсээс тодруулга гаргах урилгын дэлгэрэнгүй хэсэгт тодруулга гаргана.

Ирүүлж буй тендерт нэгдсэн товьёог үйлдэж түүний дагуу бэлдсэн *.pdf файлын төрөлтэй материалыг системд хавсарган ирүүлнэ. Энэ файл бэлтгэхдээ нэг файл нь 15 мегабайт, нийт 100 мегабайт хүртэлх хэмжээтэйгээр бэлтгэнэ.

Тендер шалгаруулалтын нээлт хийсний дараа оролцогчид дахин үнийн санал илгээх бөгөөд Үнийн санал дуудах ажиллагааны хугацаа дуусмагц хуулийн "34.9.Үнийн санал дуудах ажиллагаа хаагдахад эцсийн үнийг өсөх дарааллаар эрэмбэлж, эхэнд эрэмбэлэгдсэн үнийн санал бүхий оролцогчийн тендерийг хянан үзэж, шаардлага хангасан бол гэрээ байгуулах эрх олгоно." гэж заасны дагуу үнэлнэ.

Захиалагч талаас үнэлгээний хороо үр дүнгээ цахим системд нийтэлсний дараа шалгарсан тендерт оролцогчийн Байгууллагын нууцын тухай хууль, Хувь хүний нууцын тухай хуулиар ил болгохыг хориглоогүй хэсгийг тухайн тендерт оролцсон этгээдэд харуулдаг. Оролцсон ТШ цэсээс шалгарсан компанийн материалтай танилцах боломжтой. Жич: Системд үр дүн оруулсан хугацаанаас эхлэн гомдлыг ажлын 5 өдрөөр тооцно.

Сонирхогч этгээд болон оролцогч нь Хуулийн 57.1 д заасны дагуу Захиалагч тендер шалгаруулалттай холбоотой хуульд заасан үүргээ зөрчсөн гэж үзвэл сонирхогч этгээд, оролцогч энэ тухай мэдсэнээс хойш ажлын таван өдрийн дотор захиалагчид бичгээр гомдол гаргаж болох бөгөөд гомдолд зөрчлийг нотлох баримтыг хавсаргана.

Сонирхогч этгээд болон оролцогч нь Хуулийн 58.1 д заасны дагуу Өрсөлдөөний асуудал хариуцсан төрийн захиргааны байгууллага бичгээр гомдол гаргах ба гомдолд зөрчлийг нотлох баримтыг хавсаргаж шуудангаар хүргүүлнэ.

Оролцогч нь Хуулийн 59.1 д заасны дагуу Санхүү, төсвийн асуудал эрхэлсэн төрийн захиргааны төвд бичгээр гомдол гаргах ба гомдолд зөрчлийг нотлох баримтыг хавсаргаж шуудангаар хүргүүлнэ.