Мэдээлэл ирүүлэх тухай
Тус газар нь Төрийн хэмнэлтийн тухай хуулийн 14.1-д “төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд заасан захиалагч нь тухайн жилд худалдан авах 10 сая төгрөгөөс дээш өртөг бүхий бараа, ажил, үйлчилгээний жагсаалтыг цахим дэлгүүрт байршуулах хүсэлтийг өмнөх онд худалдан авсан тоо хэмжээ, нэгж үнийн хамт төрийн худалдан авах ажиллагааны асуудал хариуцсан төрийн захиргааны байгууллагад хүргүүлнэ” гэж заасны дагуу захиалагчийн тодорхой хугацаанд давтамжтай худалдан авдаг, эсхүл байнгын хэрэгцээтэй бараа, үйлчилгээг Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 37.1.1-д заасны дагуу захиалагчийн худалдан авах бараа, үйлчилгээний хэрэгцээ шаардлагыг хангах бараа нийлүүлэгч, үйлчилгээ үзүүлэгчийг сонгон шалгаруулж, шалгарсан оролцогчтой ерөнхий гэрээ байгуулан, цахим дэлгүүрт бүртгэдэг.
Ерөнхий гэрээний аргаар худалдан авах тендер шалгаруулалтыг зохион байгуулж, цахим дэлгүүрт бүртгээгүй бараа, үйлчилгээний хувьд захиалагч Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 31.1-д зааснаар төсөвт өртөгт үндэслэн тендер шалгаруулалтын бусад аргын дагуу худалдан авах ажиллагааг зохион байгуулахаар зохицуулсан бөгөөд тус хуулийн 54 дүгээр зүйлд заасан бүртгэлийн тогтолцоог хөтлөхөд уг мэдээлэл шаардлагатай байна.
Иймд захиалагч байгууллагууд өмнөх онд худалдан авсан бараа, үйлчилгээний тоо хэмжээ, нэгж үнийн мэдээллийг хавсралтад заасан маягтаар MS Excel файлаар гаргаж, /sarantuya@tender.gov.mn/ цахим шуудангаар ирүүлнэ үү.
Хавсралт: ... хуудастай.
Хасвралттай дараах холбоосоор дамжин танилцана уу.
