Эм, эмнэлгийн хэрэгслийн тухай хууль /Шинэчилсэн найруулга/-ийг 2024 оны 10 дугаар сарын 01-ний өдрөөс дагаж мөрдөж эхэлснээр Эрүүл мэндийн салбарын ханган нийлүүлэх тусгай зөвшөөрлийн төрөлд өөрчлөлт орсонтой холбоотойгоор Худалдан авах ажиллагааны цахим системд тус салбарын тусгай зөвшөөрлийн мэдээллийг бүртгэх боломжгүй байгаа тул Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 15.2-т “Цахим системээр дамжуулан шалгах боломжтой, түүнчлэн хууль тогтоомжид зааснаар эрх бүхий байгууллагаас хөтөлж, бүрдүүлсэн мэдээллийн санд байгаа олон нийтэд нээлттэй мэдээллийг нотлох баримтаар ирүүлэхийг оролцогчоос шаардахгүй” гэж заасны дагуу эрүүл мэндийн салбарын тусгай зөвшөөрлийн мэдээллийг “Зөвшөөрлийн цахим систем” /https://license.mn/ болон Нийтийн мэдээллийн ил тод байдлын тухай хуульд заасан нийтийн мэдээллээс шалгаж, тендерийг хянан үзэхийг Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 49.4.1-д заасны дагуу захиалагчид мэдэгдэж байна.