Огноо: 2024 оны 12 дугаар сарын 23-ны өдөр

Зээлийн дугаар ба нэр: 0672/3844/3843-MON: “Эмзэг бүлгийн иргэдийн эрүүл мэндийн тусламж үйлчилгээний хүртээмжийг сайжруулах хөрөнгө оруулалтын хөтөлбөр” – I үе шат

Гэрээний дугаар ба нэр: БА13: Сонгинохайрхан дүүргийн 26 хорооны өрхийн эрүүл мэндийн төвд газрын гүний дулааны эх үүсвэрийг ашиглах зураг төсөл боловсруулах, барих ажил

Тендерийн материал

ирүүлэх огноо: 2025 оны 2 дугаар сарын 10-ны өдөр (Улаанбаатарын цаг)

1. Монгол Улс Засгийн Газар нь Азийн хөгжлийн банк (АХБ), Харилцан кредит олгох механизмын Японы сан (ХКОМЯС)-аас “Эмзэг бүлгийн иргэдийн эрүүл мэндийн тусламж үйлчилгээний хүртээмжийг сайжруулах хөрөнгө оруулалтын хөтөлбөр” I үе шат төслийг санхүүжүүлэх зорилгоор энэхүү санхүүжилтийг хүлээн авсан бөгөөд уг хөрөнгөөр дээр дурдсан гэрээний төлбөрийг санхүүжүүлэх зорилготой болно. Тендер шалгаруулалт нь АХБ-ны эрх бүхий орны тендерт оролцогчдод нээлттэй байна.

2. Эрүүл мэндийн яам (“Захиалагч”) нь эрх бүхий тендерт оролцогчийг Сонгинохайрхан дүүргийн 26 хорооны өрхийн эрүүл мэндийн төвд газрын гүний дулааны эх үүсвэрийг ашиглах зураг төсөл боловсруулах, барих (“Ажил гэх”) ажлыг хийж гүйцэтгэх, дуусгах тухай битүүмжилсэн санал ирүүлэхийг урьж байна.

3. Нээлттэй өрсөлдөөнт тендер шалгаруулалт (олон улсад зарлан мэдээлэх)-ыг АХБ-ны нэг үе шаттай: нэг дугтуйт горимын дагуу зохион байгуулах ба тендерийн баримт бичигт заасан эрх бүхий орны бүх тендерт оролцогчдод нээлттэй байна.

4. Энэхүү тендер шалгаруулалтад зөвхөн дор дурдсан чадварын үндсэн шаардлагыг хангасан эрх бүхий тендерт оролцогч оролцоно. Үүнд:

· Санхүүгийн үзүүлэлт:

Тендерт оролцогчийн одоогийн санхүүгийн чадавхийг харуулах үүднээс сүүлийн 3 жилийн (2021, 2022, 2023) аудитаар баталгаажуулсан санхүүгийн тайлан, эсхүл тендерт оролцогчийн харьяа орны хуулиар аудитаар баталгаажуулахыг үл шаардсан бол захиалагчийн зөвшөөрөх бусад хэлбэрийн санхүүгийн тайланг илгээнэ. Тендерт оролцогчийн цэвэр хөрөнгийн доод хэмжээг нийт актив хөрөнгө ба нийт өр төлбөрийн зөрүүгээр тооцох ба сүүлийн жилийн энэ зөрүү нь ашигтай байна.

· Барилгын ажлын жилийн дундаж борлуулалт:

Сүүлийн 3 жилд (2021, 2022, 2023) хэрэгжиж байгаа эсхүл хэрэгжиж дууссан гэрээт ажлын хүрээнд хийгдсэн нийт баталгаат төлбөрийн дүнгээр тооцож гаргасан ажлын жилийн дундаж борлуулалтын доод хэмжээ 260,000.00 (Хоёр зуун жаран мянган) ам.доллар байна.

· Санхүүгийн нөөц хөрөнгийн шаардлага:

Тендерт оролцогч нь одоо хэрэгжиж буй гэрээний үүргийн дүнг оруулаагүй хэмжээгээр 65,000.00 (Жаран таван мянган) ам.долларын санхүүгийн чадварын шаардлагыг хангах хүрэлцээтэй санхүүгийн нөөц хөрөнгөтэй байх.

· Төрөл ба хэмжээгээр төстэй гэрээний туршлага:

Сүүлийн 3 жилд 2021, 2022, 2023) амжилттай эсхүл үндсэнд нь гүйцэтгэж дуусгасан, мөн санал болгож буй ажилтай ижил төстэй нэгээс доошгүй гэрээт ажилд оролцсон байх, ингэхдээ тендерт оролцогчийн тухайн ажилд оролцсон ажлын үнэлгээ нь 156,000.00 (Нэг зуун тавин зургаан мянган) ам.доллараас доошгүй байх.

· Үндсэн үйл ажиллагааны барилгын ажлын туршлага:

(i) Газрын гүний дулааны эх үүсвэрийн зураг төсөл боловсруулсан туршлагатай байх

(ii) 40кВт-ын хүчин чадалтай газрын гүний дулааны эх үүсвэрийн зураг төсөл боловсруулсан, тоног төхөөрөмж нийлүүлж, суурилуулан ашиглалтад хүлээлгэн өгсөн туршлагатай байх

(iii) Газрын доорх дулааны судалгааг хийж байсан туршлагатай байх

(iv) ISO9001 чанарын менежментийн системийн гэрчилгээтэй байх

5. Дэлгэрэнгүй мэдээлэл авах болон тендерийн баримт бичигтэй танилцах сонирхолтой эрх бүхий тендерт оролцогч нь дараах хаягаар хандана:.

Захиалагч : Эрүүл мэндийн яам

Харилцах ажилтан : Н.Бямбасүрэн, Төслийн ХАА-ны ажилтан

Хаяг : СБД, Олимпийн гудамж 2, Засгийн газрын VIII байр, Эрүүл мэндийн яамны өргөтгөл

Давхар/Өрөө : 3 давхар, 304 тоот

Хот : Улаанбаатар

Зип код : 11000

Улс : Монгол Улс

Утас : 976-11-329369

Цахим шуудангийн хаяг : procurement@hsdp.org

6. Англи хэл дээр боловсруулсан тендерийн баримт бичгийг авах хүсэлтэй тендерт оролцогч нь дээр дурдсан хаягаар хандан БА13: Сонгинохайрхан дүүргийн 26 хорооны өрхийн эрүүл мэндийн төвд газрын гүний дулааны эх үүсвэрийг ашиглах зураг төсөл боловсруулах, барих ажлын тухай албан хүсэлт гаргаж, үл буцаан олгох нөхцөлөөр 40 (Дөчин) ам.доллар эсвэл 150,000.00 (Нэг зуун тавин мянган) төгрөгийн төлбөрийг хийнэ. Төлбөрийн нөхцөл нь доорх дансаар дамжуулан шилжүүлсэн байна.

Гадаад шилжүүлэг: Дотоод шилжүүлэг:

Payee’s

Name : Improving Access to Health Services for Disadvantaged Groups Investment Program Дансны нэр : ЭБИЭМТҮХСХОХ МОН3843

Bank Name : State Bank of Mongolia Ulaanbaatar, Mongolia Банкны нэр : Төрийн сан

Payee’s

Account No. : 106000076051 (USD) Дансны дугаар : 100900011878 (MNT)

SWIFT

Code : STBMMNUB

Correspondent Bank

Bank Name : Kookmin Bank

SWIFT

Code : CZNBKRSE

Account No. : 7968USD019

7. Тендерийг тендер хүлээн авах эцсийн хугацаа 2025 оны 2 дугаар сарын 10-ны өдрийн 15 цаг 00 минутаас (Улаанбаатарын цагаар) өмнө Монгол улс, Улаанбаатар хот, Сүхбаатар дүүрэг, Олимпийн гудамж 2, Засгийн газрын VIII байр, Эрүүл мэндийн яамны өргөтгөл, 2-р давхар 203 тоот өрөөнд баримт бичигт шаардсан тендерийн баталгааны хамт ирүүлнэ. Тендер хүлээн авах эцсийн хугацаа дуусмагц тендерийг нэн даруй нээх ба тендерт оролцогчдын төлөөллийг өөрсдийнх нь хүсэлтээр байлцуулна.

8. Захиалагч нь тендерт оролцогчийн тендер бэлтгэх, хүргүүлэхтэй холбогдсон аливаа зардлыг хариуцахгүй.