ТЕНДЕРТ ОРОЛЦОГЧДОД

Тодруулгын хариу хүргүүлэх тухай

Тус компаниас зарласан ЭТТХК/202305001 дугаартай Цанхийн баруун уурхайн тэсэлгээний ажлын гүйцэтгэгчийг сонгон шалгаруулах тендерт оролцохыг сонирхогч этгээдээс тодруулга ирүүлсэн байна.

Иймд тодруулгын хариуг хүргүүлж байна. Үүнд:

1. Тендер шалгаруулалтын зааварчилгааны 17.6.5-д “Сард 2000 тн-с багагүй хүчин чадалтай эмульсийн тэсрэх бодисын өөрийн үйлдвэртэй байх, эсхүл хамтран ажиллах гэрээтэй байж болох бөгөөд холбогдох нотлох баримтуудыг ирүүлнэ.”, “Тэсрэх хэрэгсэл, тэсрэх бодисын гол түүхий эдийн агуулахтай байх, эсхүл хамтран ажиллах гэрээтэй байж болох бөгөөд холбогдох нотлох баримтуудыг ирүүлнэ.” гэж тус тус заасан. Үйлдвэрлэлийн үйл ажиллагааг тасралтгүй хангах үйлдвэр, агуулахын хүчин чадлаар нотлогдох бөгөөд Эрдэс баялгийн мэргэжлийн зөвлөлөөс авсан тэсрэх материалын үйлдвэр, агуулахыг ашиглалтад оруулах актыг ирүүлнэ.; 
2. Тендер шалгаруулалтын зааварчилгааны 19.1-д “...Жич: Үнийн саналын хамт тэсэлгээний ажлын өртгийн задаргааг нэгж үнээр болон, нийт үнээр ирүүлнэ. Уг задаргаанд Шүүний үнэ, тэсэлгээний хэрэгсэл ажилтны цалин хөлс, тоног төхөөрөмжийн элэгдэл, түлш шатахуун шатах тослох материал, сэлбэг, дугуй, удирдлага болон кемпийн зардал, хөдөлмөр хамгаалал болон магадалшгүй  ажил зэрэг өртөгт нөлөөлөх бүх үзүүлэлтийг оруулсан байна.” гэж заасны дагуу үнийн саналыг ирүүлэх ба Төлбөр тооцох ажлын хэмжээг тэсэлгээний паспортоор хийж гүйцэтгэсэн 2 талын баталгаажуулсан гүйцэтгэлийн актыг үндэслэн тооцно. Чулуулгийн дундаж бутлагдал хангах зорилгоор технологийн шаардлагын дагуу хийж гүйцэтгэх илүү тэсэлгээний цооног бэлтгэхтэй холбоотой зардлууд тендерийн үнэд багтсан байна.;
3. Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 27 дугаар зүйл “Тендерийг хянан үзэх”, 28 дугаар зүйл “Тендерийн үнэлэх”, Сангийн сайдын 2012 оны 194 дүгээр тушаалын хавсралтаар батлагдсан “Тендерийн үнэлгээний заавар”, 2019 оны 132 дугаар тушаалын хавсралтаар батлагдсан “Тендер шалгаруулалтын материалыг тухайн тендерт оролцогчдод ил болгох журам”, 255 дугаар тушаалын хавсралтаар батлагдсан “Худалдан авах ажиллагааны цахим системээр тендер шалгаруулалт зохион байгуулах, холбогдох мэдээллийг зарлан мэдээлэх журам”, 2021 оны 103 дугаар тушаалын хавсралтаар батлагдсан “Үнэлгээний хорооны зохион байгуулалт, үйл ажиллагаа, урамшууллыг зохицуулах, үнэлгээний хорооны бүрэлдэхүүнд орох иргэний мэдээллийн нэгдсэн сан бүрдүүлэх журам”, 2019 оны  Сангийн сайдын 2021 оны 145 дугаар тушаалын хавсралтаар батлагдсан “Ажил гүйцэтгүүлэх тендерийн жишиг баримт бичиг”-ийг тус тус үндэслэн тендер шалгаруулалтын үнэлгээг хийж гүйцэтгэнэ.;
4. Төрийн болон орон нутгийн өмчийн хөрөнгөөр бараа, ажил үйлчилгээ худалдан авах тухай хуулийн 10 дугаар зүйл “Тендерт оролцогчдод давуу эрх олгох”, Сангийн сайдын 2018 оны 58 дугаар тушаалын хавсралтаар батлагдсан “Тендерт оролцогчид давуу эрх олгох аргачлал”-ийн дагуу дотоодын давуу эрх тооцно.

Тендерт оролцогчдод өгөх зааварчилгааны 10.3-т заасны дагуу дээрх нэмэлт өөрчлөлтүүд нь тендерийн баримт бичгийн салшгүй нэг хэсэг болно.

Тендерийн өмнөх уулзалтын тэмдэглэлийг хүргүүлж байна.

Хавсралт хэсгээс үзнэ үү.

Тендерт оролцохыг сонирхогч этгээдүүдэд.

Шударга өрсөлдөөн хэрэглэгчийн төлөө газраас 01/909 дугаартай “тендерийн баримт бичиг хянасан тухай” албан бичгийг ирүүлсний дагуу тендерийн баримт бичигт орсон өөрчлөлт болон өөрчлөлт орсон тендерийн баримт бичгийг хавсралтаар хүргүүлж байна.

Хавсралт 1, 2 нийт 63 хуудастай.

     Тус компаниас зарласан ЭТТ/202305001 дугаартай Цанхийн баруун уурхайн тэсэлгээний ажлын тендерт оролцогчоос гомдол гаргасан тул Шударга өрсөлдөөн хэрэглэгчийн төлөө газрын 2023 оны 05 дугаар сарын 29-ний өдрийн 01/850 дугаар албан бичгээр Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 55 дугаар зүйлийн 55.4 дэх заалтын дагуу тендер шалгаруулалтын материал авах, нээлт хийх үйл ажиллагааг түр түдгэлзүүлсэн болохыг үүгээр мэдэгдэж байна.