Тус газраас зарласан ТХААГ/202305103/01/01 урилгын дугаартай “П.Н. Шастины нэрэмжит Улсын гуравдугаар төв эмнэлэгт хэрэглэгдэх зарим өндөр өртөгт эмнэлгийн хэрэгслийг ерөнхий гэрээгээр худалдан авах” тендер шалгаруулалтад Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 54 дүгээр зүйлийн 54.1 дэх хэсэгт заасны дагуу захиалагчид гаргасан гомдлыг хянан үзээд тендерийн баримт бичгийн тендер шалгаруулалтын өгөгдлийн хүснэгт болон тус тендер шалгаруулалтын 1, 7, 8, 9, 10, 23 дугаар багцуудын техникийн тодорхойлолтод орсон өөрчлөлтийг хавсралт хэсгээс үзнэ үү.

ТЕНДЕРТ ОРОЛЦОХЫГ СОНИРХОГЧ ЭТГЭЭДҮҮДЭД

Тендер шалгаруулалтын тухай

            Тус газраас зарласан ТХААГ/202305103/01/01 урилгын дугаартай “П.Н. Шастины нэрэмжит Улсын гуравдугаар төв эмнэлэгт хэрэглэгдэх зарим өндөр өртөгт эмнэлгийн хэрэгслийг ерөнхий гэрээгээр худалдан авах” тендер шалгаруулалтад оролцохыг сонирхогч этгээдээс тендерийн баримт бичиг, техникийн тодорхойлолтод Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 54 дүгээр зүйлийн 54.1 дэх хэсэгт үндэслэн захиалагчид гомдол гаргасан.

Иймд Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 54 дүгээр зүйлийн 54.2 дахь хэсэгт “Захиалагч гомдлын агуулгыг бүх тендерт оролцогчид мэдэгдэж, холбогдох шийдвэрээр эрх ашиг нь хөндөгдөж болох тендерт оролцогчийг гомдол барагдуулах ажиллагаанд оролцохыг урина” гэж заасны дагуу гомдол гарсан талаарх мэдээллийг Та бүхэнд хүргэж байна.

Захиалагч байгууллага гомдол хянан шийдвэр гаргах хугацаанд тус тендер шалгаруулалтыг түр зогсоож байгааг мэдэгдэж байна.

Гомдол хянасан шийдвэр хүргүүлэхдээ Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 24 дүгээр зүйлийн 24.1 дэх хэсэгт заасны дагуу тендерт оролцогчдод тендер бэлтгэж ирүүлэх хангалттай ижил хугацаа олгож, тендер хүлээн авах эцсийн хугацааг Худалдан авах ажиллагааны цахим системээр дамжуулан мэдэгдэх болно.

ТЕНДЕРТ ОРОЛЦОХЫГ СОНИРХОГЧ ЭТГЭЭДҮҮДЭД

Тендерийн баримт бичигт өөрчлөлт оруулах тухай

            Тус газраас 2023 оны 5 дугаар сарын 11-ний өдөр зарласан ТХААГ/202305103/01/01 урилгын дугаартай “П.Н. Шастины нэрэмжит Улсын гуравдугаар төв эмнэлэгт хэрэглэгдэх зарим өндөр өртөгт эмнэлгийн хэрэгслийг ерөнхий гэрээгээр худалдан авах” тендер шалгаруулалтын 13 болон 14 дүгээр багцын нэгж үнийн дээд хязгаарт өөрчлөлт оруулах хүсэлтийг П.Н. Шастины нэрэмжит Улсын гуравдугаар төв эмнэлэг 2023 оны 1/725 дугаар албан бичгээр ирүүлсэн тул тендерийн баримт бичгийн тендер шалгаруулалтын өгөгдлийн хүснэгтэд дараах өөрчлөлтийг оруулж байна. 

Мөн дээрх албан бичгийн хавсралтад 1, 13, 14 багцуудын техникийн тодорхойлолтод өөрчлөлт оруулж ирүүлснийг хавсралтаар хүргүүлж байна.