Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн хэрэгжилтийг хангаж дотоодын үйлдвэрлэлийг дэмжих зохицуулалтыг тендерийн баримт бичигт тусгаж ажиллах шаардлагатай байна.  Үүнд:

• Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 8 дугаар зүйлд заасны дагуу дотоодын үйлдвэрлэлийг дэмжих, давуу эрх тооцох,
• Дээрх хуулийн 10.4-т заасны дагуу Бараа худалдан авах тендер шалгаруулалт зохион байгуулахад энэ хуулийн Засгийн газраас баталсан жагсаалтад туссан чанар, стандартын шаардлага хангасан дотоодын барааг импортын бараанаас тусад нь багцалж тендер шалгаруулалт зохион байгуулахыг анхааруулж байна.

Дээрх заалтыг хэрэгжүүлээгүй тохиолдолд тендер шалгаруулалт хүчингүй болох хуулийн зохицуулалттай тул анхаарч ажиллана уу.

ТӨРИЙН ХУДАЛДАН АВАХ АЖИЛЛАГААНЫ ГАЗАР